بتعرفوا يمكن شي يوم ارجعلا ارجعلا ل عفرين الحلوة و الصامدة ارجعلا ل ضيعتي الحلوة و أهلها الطّيبين ارجعلا ... ل بيتنا بالضّيعة ارجعلا و كحّل عيوني بشوفتا ارجع اقعد المسا أيّام الصّيف الحلوة ع سطوح بيتنا وعدّ النجوم و احيكلا عن أيّامي و آهاتي و أنطر د ينزل شي شهاب و أرجع اتمنّى أمنيتي يل تركتني للزّمن و فرقتنا الليالي يمكن شي يوم أرجعلا و أرجع أفرد هالجدايل أفردها اااا و خليها تحكي مع هالنّسايم الحلوة الرّقيقة الصّادقة نسايم الرّبيع الحلوة و الطّيبة خليها تطير و ترجع تحكيلا و يتغزّلو ببعض ل يشبعو مع أنّن ما رح يشبعو لأنّن منسوجين من بعض خليها تطير مع الهوا و النّسايم ع سطوح بيتنا ع سطح الدّار يل كانت أحلى أيّامي و رح تضل الأحلى أرجع أحكي قصصي ل حبل الغسيل ال ع سطح بيتنا كل ّ ما انشر هالغسيلات و فجأة ينقطع سردة قصتي و مخيلتي تتوقف ع صوت أمّي ال بتناديني لسى ما خلصتي نشر الغسيل بضحك و بقول جاااااية مشتقلاااا كانت و ما رح ترجع هالأيّام أيّامك يا ضيعتي و أيّامك يا عفرين ... راحت متل الحلم و كأنّنا بحلم كنّا ... سطوح بيتنا ... آخ و آخ كنت احكيلا ا ا ا و رح ضلّ احكيلك يل كنتي و رح تضلّلي أحلى و أصدق شي عشته بكفي كبرت فيك و عشت أيّامي معك و نطقت أروع كلماتي و أنا معك عشت ألمي و وجعي و ضحكتي و بسمتي معك و تركت فيكي روحي و حبّي وك آخ بسسسسسسس رح أرجع و أرجع يوماً مااا و كحّل عيوني بشوفتك .