PEND Û MÎNOLOKÊN KURDÎ YÊN NÛJEN
PARTA DIWEMÎN
Jana giran ku mirov çanda xwe berde û bi ya biyaniyan bigre û di boteka wan de bipişife .
****************
Zimanê te nasnama te ye nasnama te tine be kes te nas nake .
***************
Zimanê te kesîtiya te ye zimanê te winda bibe kesîtiya te jî winda dibe .
***************
Kurdîtiyê zimanê te mûsîka te ye , ew bi huner û merêsa te pêkhat , biparêze wekî ew te diparêze , wî tu Kurd hêşt tu jî wî Kurd bihêle .
***************
Kurdîtiyê zimanê te çeka te ye te diparêze , tu ji dest xwe bidî te canê xwe ji dest xwe da .
**************
Zimanê te kilîta zêndana te ye , te azadî xwest kilîta te deriyê wê vedike û te serbest dike .
**************
AN BI VÎ TEHERÎ JÎ
Zimanê te kilîta zêndana te ye tu azadiyê bixwazî tuyê deriyê zêndana xwe pê vekî û serbest bibî .
***************
- Zimanê te rûmeta te ye , tu di zimanê xwe bibûrî tu di rûmeta xwe bûrî , û tu di rûmeta xwe bûrî kesîtiya te daket û tu bê nerx bû .
***************
Û HEM EV BI VÎ AWAYÎ JÎ RENG DIDE
Zimanê mirov rûmeta mirov e mirovê ku di zimanê xwe bibûre di rûmeta xwe dibûre û mirovê ku di rûmeta xwe bûrî kesîtiya xwe dadikeve û bê nerx dibe .
****************
Ziman sîmfoniyeke suriştê ye sîmfoniya suriştê ti asa û eydyolojî ku ew çendî 1- pelçikok û ruxinde bin nikanin wê bêdeng an ketexe bikin û ewê tim pêş ve biçe û wirar bibe .
***************
Ziman dorêmiya dayîkê ye gelo ma ti deng ji dengê dorêmiya dayîkê xweştir he ye ?
***************
Ji dengê bilûra evîndaran xweştir dengê ziman e.
***************
Şovîner dengê axaftina min bi zimanê Kurdî di guhê te de bobelat e û dîdara min ber çavê te dûmanek tarî ye , de hovo here di şovîntiya xwe de bizingire .
**************
Û GOTIN BI VÎ RENGÎ JÎ DISÊWIRE
Şovîner dengê axaftina min bi zimanê Kurdî di guhê wî de bobelat e û dîdara min ber çavê wî dûmanek tarî ye de bila here di şovîntiya xwe de bibejire .
******************
PEYVNASKIRIN : 1- pelçikok û ruxinde : Ê surişta xwe ser
pelçikandin û ruxandinê .
24/2/2012
